Оқушылардың қалауымен «Өзін-өзі басқару ұйымының» мүшелері мектебіміздің қабырғасында «Жақсылық жасап жарысайық!!!» акциясы аясында «Тәтті жәрмеңке» өткізді. Рамазан айының бірінші аптасында қайырымдылық жасау мақсатында өткен жәрмеңкеге 17 сынып қатысты. Жәрмеңкеден түскен қаражатты жағдайы төмен отбасына мектеп белсенділері қасиетті Рамазан айының бірінші аптасында барып табыстайды. Оқушылар «әлемді жақсартқың - келсе бірінші өзіңнен баста» деген қағиданы ұстанып, бүкіл әлемге өз үлестерін қосу үшін аталмаш акция аясында бірнеше жоспарлары бар екенін айта кетті.

«Бір тал кессең, он тал ек!» Мектебімізде «Жақсылық жасап жарысайық» акциясы аясында 17 сынып 17 гүл отырғызды. Іс-шараның мақсаты оқушылардың бойына табиғатқа деген қамқоршылықты арттыру, қоршаған ортаны аялауға, жаһандық азаматтылыққа үйрету болып табылады.

8-Наурыз халықаралық әйелдер күніне орай мектебіміздің ұлдары аруларға арнап «Арулар – асыл жандар!» атты мерекелік кеш өткізді. Концертте ұстаздар мен мектеп оқушылары бірге қосылып хор айтып, ән шырқап, аналарға поэзия арнады. Көрермендермен түрлі ойындар ойнып, мерекенің шығу тарихына үңілді. Концерттің соңы мектебіміздің жайдарманшылары «Зерделі краштары» командасының құттықтауымен аяқталды. Мерекелік кеш келген көрерменге тек көтеріңкі көңіл-күй сыйлап қана қоймай, сонымен қатар мерекенің шығу тарихын, әйелдер қауымының қадірі жайлы тағы бір ой түйіндеп қайтты.

Аймақтық «BigStarsKz» өнер сайысына мектебіміздің атынан қатысқан «Зерделі» би тобы бас жүлдеге ие болды. Бұл мектебіміздің ауқымды өнер жарыстарынан алып отқан бірінші кубогы. Топ жетекшісі, әрі хореограф Сайдалина Жанар Баратовна мектебімізде би үйірмесінің жетекшісі. Қазіргі таңда би ү йірмесіне мектебіміздің он үш оқушысы қатысады. Оқушыларымыздың бұдан да биік белестерді бағындыруларына тілектеспіз.